Винисиус Жуниор ќе биде освојувач на „Златната топка“ за 2024 година, објавува „Марка“. Фудбалерот на Реал Мадрид ланската сезона беше клучен играч на тимот во освојувањето на Лигата на шампиони и Ла Лига.
Шпанскиот весник „Марка“, кој редовно е добро информиран за случувањата во Реал Мадрид, тврди дека освојувачот на „Златната топка“ за најдобар светски фудбалер за 2024 година е Винисиус Жуниор.
Наводно организаторот на наградата „Франс Фудбал“ веќе го информирал Бразилецот дека е добитник на престижното признание. Изминатата сезона крилниот напаѓач во дресот на „кралевите“ имаше 39 настапи во сите конкуренции и постигна 24 голови со 11 асистенции. Винисиус и онака важеше за еден од главните кандидати за наградата крај неговиот тимски колега Џуд Белингам и Родри од Манчестер сити.
Ако Бразилецот навистина ја освои „Златната топка“, Реал Мадрид ќе стане клубот со највеќе добитници на наградата, односно ќе има 13 во историјата и ќе го остави зад себе најлутиот ривал Барселона.
