Вештачките ѓубрива за краток временски период отидоа со 40, дури и 50% зголемување. Нафтата исто си го направи своето, се зголемува. Ние во тој дел не можеме да интервенираме бидејќи не сме надлежни, ние сме должни да произведуваме, објаснува во вечерашната Топ Тема Тони Максимов, „Национална мрежа на земјоделци“.
Според него сега нема доволно средства за да се започне основната обработка на површините, бидејќи неопходна е нафта, која треба да биде субвенционирана.
На прашањето што се случува со „зелената“ нафта, тој вели дека „зелената нафта се уште распределена, не ја добиле.
„И сега кога би ја добиле, бидејќи е пресметано по единица површина кој колку треба да добие, кога чекаме вака… ако сега земеме 100 литри, за пет дена не може да земеме ни 50 литри нафта. Така што и тука сме оштетени во тој дел“, вели Максимов.
Тој истакна дека субвенциите сè уште не се пуштени, „ние ги очекувавме барем оваа недела што помина да може да ги земеме, да набавиме нешто ѓубрива и препарати. Кај препаратите е посебно тежок проблем бидејќи нема во земјоделските аптеки да се најде во малопродажба. Секој како знае така се снаоѓа, така што сме доведени во многу лоша ситуација“.
Б.С.