Министри од шесте земји на Западен Балкан и претставници на Европската комисија денеска одржуваат онлајн состанок за да разговараат за проблемите на превозниците при премин и престој во Шенген зоната.
Состанокот следи по блокадите на граничните премини минатата недела од страна на возачите на камиони од регионот. Европската комисија, преку своите дирекции за мобилност, миграција и проширување, се ангажира да најде практични решенија кои ќе обезбедат безбедност, економска корист и правна јасност за патниците и превозниците.
Портпаролот на ЕК, Маркус Ламерт, нагласи дека се разгледува воведување на ново законодавство за краток престој на ниво на ЕУ, но не може да се дадат конкретни рокови за примена на овие правила.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.