Еден од најголемите предизвици со кој се соочуваат новите мали компании во моментот кога ќе почнат да се шират е делегирањето на одговорности. Дотогаш сопствениците или менаџерите одлучувале за сите работи, но со зголемувањето на обемот на работа, доаѓа и потребата да се префрлат одговорностите на други луѓе и да се најдат вистинските луѓе.
Растот се случува со освојување на нови пазари, со нови производи и услуги или со зголемување на пазарното учество, но стартапите треба да добијат јасна слика на каде да се движат, вели бизнис советникот Данчо Димков.
Алатката „Бизнис дијагностика“ им помага на овие компании да ги идентификуваат можностите за раст.
Оваа активност е поддржана во рамките на Швајцарскиот проект за модернизација кој го спроведува Свисконтакт.