Почна вториот круг на Локалните избори во шестте општини во источниот регион, во кои се бира меѓу двајца кандидати за градоначалник. Гласачките места се отворени во 7 часот во Пробиштип, Чешиново-Облешево, Зрновци, Кочани, Виница и Македонска Каменица. Кочани е општината со најголемиот број на гласачи во вториот круг, своето право на глас можат да го искористат 32. 503, а со најмал број на избирачи е Зрновци со вкупно 2.506. Граѓаните гласаат и во општината Чешиново-Облешево на 13 Избирачки места, во 11 населени места.
Во источна Македонија за вториот круг за избор на градончалник во шест општини со право на глас се 76.038 гласачи. Вчера гласаа болните и немоќните, своето право можеа да го искористат 792 болни и изнемоштени лица и тројца во куќен притвор. Во Затворот во Штип вчера на гласање излегле над 50% од осудените лица од 23 општини или од 104 избирачи на списокот гласале 58 затвореници.
Викторија Јованова
