И покрај привремената пауза во американските воздушни напади врз Иран, безбедносната состојба на Блискиот Исток останува нестабилна.
Саудиска Арабија соопшти дека соборила беспилотни летала насочени кон нафтени објекти, додека слични инциденти беа пријавени и во Јордан и северен Ирак.
Според саудиските власти, дроновите биле лансирани од Ирак од вооружена група поддржана од Иран.
Mеѓувреме, јеменските Хути презедоа одговорност за напади врз транспортни правци за нафта кон саудиското пристаниште Јанбу, наведувајќи дека станува збор за одговор на саудиски операции.
Во исто време, Техеран соопшти дека не бара обновување на мировните преговори со САД, но останува отворен за дипломатски контакти преку посредници.
Иранските медиуми, исто така, објавија дека шест бродови биле вратени од Ормутскиот Теснец, нагласувајќи дека земјата и понатаму има контрола врз овој стратешки поморски премин.