Во Србија денеска започнува генерален штрајк организиран од студентите, кои повикаа на „општа граѓанска непослушност“. Граѓаните ќе го поддржат штрајкот со тоа што нема да одат на работа, на предавања и нема да ги извршуваат секојдневните обврски.
Блокадите ќе се одржат на повеќе локации во земјата, а во 11:52 часот ќе има оддавање почит за жртвите на железничката несреќа во Нови Сад. Во 14 часот е закажан протест пред Претседателството на Србија.
Поддршка на акцијата најавија синдикати, компании, политички партии и невладини организации. Вклучени се и медиуми, културни институции и ресторани. Во исто време, претседателот Вучиќ формира ново “народно движење”.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.