Додека Албанија отвора преговори за првите кластери, Црна Гора затворa три, од Македонија се бараат уставни измени. Министерката за надворешни и европски работи на Словенија, Тања Фајон најави дека Словенија и Германија подготвиле нон-пејпер, според кој во претпристапниот процес нема да има можност за вето и блокада поради билатерални прашања со соседните земји.
„Тоа е иницијатива за забрзување на целиот процес на проширување, односно на претпристапниот процес, за да нема премногу можности да се става вето на блокадата на соседите поради билатерални прашања и да ја искористиме можноста за гласање со квалификувано мнозинство неколку пати со самиот процес“, вели Фајон во интервју за црногорска агенција Мина.
Нејзината изјави следи откако Хрватска ја блокираше Црна Гора да го затвори преговарачкото поглавје со ЕУ и наместо четири да затвори три поглавја. Хрватска беше против затворање на поглавјето за надворешна, безбедносна и одбранбена политика.. Според хрватскиот неформален документ испратен до Црна Гора- треба да се решат прашањата околку сопственоста на училишниот брод „Јадран“, меѓусебното разграничување, обработката на воените злосторства, името на градскиот базен во Котор кој е наречен по поранешниот ватерполист Зоран Гоп- чевиќ, кој според Хрватска бил чувар во логорот „Морињ“.