Во Албанија уапсен наркобос откако е запленето 700 килограми хероин во пратка со сапуни

„Лидерот на картелот кој се занимавал со трговија со хероин меѓу Иран и Западна Европа е уапсен во меѓународна операција“, соопшти денеска Европол.

Осомничениот, 57 годишен турски државјанин, кој е уапсен во Албанија, е поврзан со запленувањето на 703 килограми хероин во Хамбург, кој бил скриен во контејнерска пратка со сапуни од Иран.

Тој ќе биде екстрадиран во Германија, кадешто ќе се соочи со обвинение за организирање на големо количество увоз на хероин во Западна Европа. Истрагата ја спроведоа германските власти со поддршка на Холандија и Европол.

Европол обезбедува разузнавачка поддршка за оваа истрага од април 2022 година, што резултираше со создавање на Оперативни работни групи (ОТФ) за борба против трговијата со хероин во Европа.