Денеска е спроведена меѓународна полициска акција, при што се уапсени повеќе лица, меѓу кои и полициски службеници. Има сомнежи дека акцијата е поврзана со наркокартелот „Тито и Дино“.
Обвинителството на БиХ, соопшти дека апсења и претреси се вршат на десетина локации, на подрачјето на Сараево, Зеница и Мостар. Главната цел се неколкуте осомничени физички и правни лица.
Меѓународна поддршка за акцијата обезбедија и американските ФБИ, ДЕА и Европол. Осомничени се повеќе од 15 лица кои се поврзани со организиран криминал, трговија со дрога, перење пари и други вид на кривични дела.