Хорхе Мартин постави нов рекорд на патеката Лусаил и ја освои пол-позицијата за утрешната прва трка во сезоната за Големата награда на Катар во рамки на Мото ГП шампионатот.
Шпанскиот мотоциклис на Прима Прамак на денешните квалификации имаше најдобро време од 1 минута, 50 секунди и 789 илјадитинки. Во првиот стартен ред друштво на Мартин ќе му прават неговиот сонародник Алеиш Еспаргаро на Априлиjа и Енеа Бастијанини на Дукати.
Бранителот на светската титула Франческо Бањаја ќе стартува како петти, а пред него ќе тргне Бред Биндер. Најдобрите десетмина ги комплетираат Марк Маркез, Фабио ди Џанантонио, потоа дебитантот Педро Акоста, Алекс Маркез и Маверик Вињалес.
Трката за Големата награда на Катар стартува утре со почеток од 18 часот.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.