Рано утрово избил пожар во викендица на генералниот секретар на СДСМ Миле Зечевиќ, потврдија за Телма од надлежните институции.
Пожарот е пријавен во 6:10 часот наутро во село Леуново во викендицата која се наоѓа во близина на хотел„Радика“.
Нема повредени лица, противпожарна единица од Гостивар е на терен и го гасне пожарот.
Пожарот избувнал од засега непознати причини, а натамошната истрага треба да ги открие причините за пожарот.
Од МВР одговорија дека Зечевиќ бил во викенд-куќата која е во сопственост на неговата мајка и го пријавил пожарот.
-Денеска наутро (12.02.2023) околу 06.10 часот, М.З.(51) од Скопје во СВР Тетово пријавил дека настанал пожар во внатрешна инсталација на викенд куќа во село Леуново, сопственост на неговата мајка, во која престојувал. Повредени нема, интервенирала гостиварската територијална противпожарна единица. Во текот на денешниот ден ќе се врши увид, соопштија од МВР.