Италијанската атлетска асоцијација потврди дека Марсел Џејкобс ќе биде дел од Светскиот шампионат што ќе се одржи во Јуџин.
Олимпискиот шампион од Токио на 100 метри, кој беше дел и од штафетата 4 пати по 100 метри што се закити со златото во последно време имаше проблеми со повреди и поради тоа не беше дел од серија натпреварувања што се одржуваа во досегашниот тек од сезоната.
По учеството на Светското првенство во сала што се одржа во Белград, Џејкобс настапи само на два помали митинзи.
“Сите негови проблеми со повредите се решени. Тој повеќе не чувствува болка, редовно тренира и се надеваме на добри резултати на Светскиот шампионат”, изјави неговиот тренер Паоло Камоси.
Светското првенство во Јуџин ќе се одржи во периодот од 15 до 24 јули.
ФОТО: Игор Паневски