Вести Локални избори 2021 Македонија Топ вести

СДСМ: Данела Арсовска од 2011-та има бугарско државјанство

Независната кандидатка за градоначалник на Скопје, Данела Арсовска, поддржана од ВМРО-ДПМНЕ, од 2011-та година има бугарско државјанство, обвини на денешната прес-конференција во партискиот штаб, пратеничката од СДСМ, Славјанка Петровска. Таа покажа и документ, за кој тврди дека е доказ со кој се обелоденува уште една тајна за, како што ја нарече Арсовска, кандидатката на Никола Груевски и ВМРО-ДПМНЕ.

Во продолжение прес-конференцијата на Социјалдемократскиот сојуз на Македонија.

-На виделина е вистината за кандидатката на Никола Груевски и ВМРО-ДПМНЕ, Данела Арсовска. Денес обелоденуваме уште една тајна, чувана и криена од Арсовска.

Ова е документот, Арсовска во 2011 година се стекнала со бугарско државјанство.

Во „Удостоверение“ од бугарското министерство за правда, јасно се наведува дека вицепретседателот на Бугарија со Указ од 2011 и дал на Арсовска бугарско државјанство.

Или како што изворно пишува:

„Вицепрезидент на Република Блгарија с Указ номер 33 от 28.04.2011 година Е ДАЛ блгарско гражданство на Данела Арсовска“

Цели десет години Данела Арсовска има резервна татковина.

Од кои побуди г-ѓо Арсовска побаравте бугарско државјанство? За чии интереси одработувате?

За унгарските? За Бугарските? За оние на Груевски?

Не може Арсовска да се грижи за интересите на скопјани кога има бугарско државјанство и е почесен Конзул на Република Унгарија.

Почитувани граѓани, ова е класично потценување и навреда на скопјани.

Зарем мислите дека скопјани ќе дозволат некој кој е инсталација на Груевски од Будимпешта, некој кој е државјанин на друга држава, да го руши градот?

Даниела Арсовска, со бугарско државјанство и почесен конзул на Унгарија не проаѓа во Скопје.

Странски инсталации кои работат директно против интересите на граѓаните нема да поминат.

Г-ѓо Арсовска уште колку тајни криете вие од скопјани?

Почитувани граѓани,

Во недела, на 31 октомври да се обединиме, масовно да излеземе на изборите и да не дозволиме туѓи интереси да ни одработуваат среде главниот град, среде Скопје”.

Од ВМРО-ДПМНЕ се огласија по нападот врз независната кандидатка: СДСМ дрско лаже и манипулира за наводен бугарски пасош на Данела Арсовска

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани соджини

Автобус падна од мост во Јужна Африка, загинаа 45 луѓе, преживеа само едно осумгодишно дете

Дејан Дејан

Нето надворешниот долг на крајот на 2023 година изнесувал 4.5 милијарди евра

Дејан Дејан

ПССЕ со оценка: Предизборниот период стабилен очекуваме мирни избори според демократските стандарди

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе