По една недела исполента со црни рекорди на новозаболени и починати, повторно регистриран двоцифрен број на нови случаи и едноцифрен процент на позитивни тестови. 88 новозаболени и три жртви е билансот на епидемијата на Ковид-19 во последното деноноќие а 123 лица се водат како оздравени.
Според официјалните информации на министерството за здравство направени се 973 теста од кои 9 отсто се позитивни. Во последните 24 часа тројца пациенти ја загубија битката со коронавирусот. Станува збор за двајца пациенти од Скопје на возраст од 43 и 72 години кои беа хоспитализирани во Градската болница и 76 годишна штипјанка која почина во болницата во градот.
Од почетокот на епидемијата се регистрирани 385 жртви а во моментов активни се 3.486 случаи.
И денеска најголем број на заболени се регистрирани во Скопје – 30, кој е најголемото жартиште на вирусот со вкупно 1.788 заболени. Заболени има уште во 15 градови низ државата.
Во Свети Николе каде епидемијата ескалираше во последните неколку дена а бројката се искачи на 110 активни случаи регистриранм само еден новозаболен. Епидемиолозите утврдија дека потеклото е од кластер во Штип. Најголем дел од новите случаи се вработени во текстилна конфекција која веќе е затворена а во моментов се спроведува анкета и тестирање на вработените.
Анализата на Комисијата за заразни болести покажала дека споредено со претходните три недели, бројките на новозаболени во државата малку се покачени но процентот на позитивни тестови и хоспитализирани пациенти останал. Филипче соопшти не се очекува зголемен број на пациенти во болниците.
Течат подготовките за есенскиот бран на вирусот и за таа цел во 16 града каде веќе постојат општи болници и здравствени домови ќе се формираат регионални ковид-центри.
Станува број за дополнителни времени капацитети, монтажни модуларни болници, креирање на посебни патеки и услови, како и лоцирање и прилагодување на капацитети кои би можеле да се користат како привремени ковид-центри.Утре претставници на министерството и на Комисијата ќе имаат состанок со директорите на болниците од 16 градови на кој ќе се разговара за капацитетите и техничките потреби на овие центри.
Огнен Чанчаревиќ