Експлозија се случи во рудникот „Соко“ во Алексинац, Србија. Најверојатно станува збор за експлозија на метан и дел од јамата се урнал.
Осум рудари загинаа, а 20 се повредени, изјави за РТС директорот на Здравствениот дом Алексинац, Родољуб Живадиновиќ.
Тој рече дека нема информации за уште колку рудари се затрупани во урнатините.
Досега од рудникот се спасени десетици рудари, кои останаа затрупани по уривањето на јамата.
Несреќата се случила утрово околу 5 часот. Во рудникот „Соко“ се сместени бројни екипи на Брзата помош.
„Во Општата болница во Алексинац се згрижени 18 рудари – 15 со полесни повреди, двајца со повреди на лакотниот зглоб и еден со сериска фрактура на пет ребра, но и тој е надвор од животна опасност“, изјави началникот на здравствениот центар Живадиновиќ.
„Неколку околни центри ги испратија сите свои екипи што можеа, дел од нив беа пренесени во Општата болница Алексинац“, додава Живадиновиќ.
„Сите неургентни пациенти и операции што беа планирани беа откажани, пациентите беа пуштени, ги мобилизиравме другите одделенија во зградата. Во моментов немаме проблеми со капацитетот“, рече тој.