Златко Перински е нов директор на Фондот за здравствено осигурување

Поранешниот министер за локална самоуправа Златко Перински е именуван за нов директор на Фондот за здравствено осигурување. Рокадата на позициите следува откако Сашо Клековски кој ја изршуваше функцијата прв човек на ФЗОМ беше избран за министер за здравство, а на местото на Перински по реконструкцијата на Владата за министер за локална самоупрва е избран Иван Стоиљковиќ.

Перински е именуван за директор на ФЗОМ на денешната владина седница на предлог на министерот за здравство.

Перински е магистер по менаџмент на човечки ресурси. Пред да биде избран за министер за локална самоуправа, тој ја извршуваше функцијата генерален директор на ЈП „Водовод и канализација“ – Скопје, а беше и управител на СЦ „Борис Трајковски“.