Грдаоначалникот на Гостивар Валбон Лимани рече дека не се чувствува морална одговорност за епидемијата во Гостивар.
На прес-конференцијата тој посочи дека директорката на ЈП „Комуналец“ е суспендирана заедно со уште неколку лица кои се одговорни за градскиот водовод. Лимани ги повика институциите да ја завршат нивната работа објективно, и дека ќе соработуваат со нив до расчистување на случајот, и надминување на состојбата. Тој рече дека не сака никој однапред да биде прогласен за виновен.
„Јавното претпријатие е правно лице кое менаџира и работи во овој сегмент. Граѓаните на Гостивар знаат дека доколку ситуацијата беше поинаква, првата оставка ќе беше од мене“ рече Лимани.
Тој потврди дека проблем со водата има, но и дека редовно се прават контроли на квалитетот од страна на Институтот за јавно здравје.
Локалната самоуправа ќе објави број на кој граѓаните кои не се во можност да обезбедат вода за пиење, да им биде донесена поблиску до нивните домови. Тој искажа благодарност до сите компании поединци кои деновиве се ангажираа за да се надмине недостигот на вода за пиење.