Сообраќајната полиција од 2 до 7 јуни спроведува засилени контроли на возачи на мотоцикли, мопеди и е-тротинети, во рамки на европската акција на Роадпол. Акцијата има за цел зголемување на безбедноста во сообраќајот и намалување на несреќите.
Од Министерството за внатрешни работи информираат дека ќе се проверуваат носење заштитна опрема, техничка исправност на возилата, поседување возачка дозвола и почитување на сообраќајните правила.
Овие возила се оценети како едни од најзагрозените учесници во сообраќајот. МВР апелира сите учесници во сообраќајот да ги почитуваат правилата, особено во периодот на зголемена фреквенција на двотркала поради летните услови. Контролите ќе се спроведуваат на територијата на целата држава.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.