На депонијата „Краста“ во Куманово синоќа избувна пожар, а екипите на ЈП „Чистота и зеленило“ и денеска работат на негово локализирање.
Според надлежните, пожарот се гасне со затрупување на отпадот со земја, со цел да се спречи понатамошно чадење.
Во интервенцијата учествувале и кумановските пожарникари, кои синоќа од 20 до 23 часот гаснеле со едно противпожарно возило.
Од претпријатието очекуваат ситуацијата наскоро да биде ставена под контрола.
Депонијата „Краста“, која функционира од 1958 година и зафаќа околу 12,5 хектари, е дел од проект за трансформација во претоварна станица.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.