Општина Центар најавува „Патувачко кино“ од 2 до 13 јуни. Парковите низ општината ќе бидат претворени во кино под отворено небо за деца, млади и земејства, најави градоначалникот на Центар, Горан Герасимовски. Проекциите се предвидени секој ден во 20 часот на повеќе локации.
„Преку филм, дружба и забава, „Патувачко кино“ на најмладите им нуди едно поинакво културно и едукативно искуство. За оваа намена е снимен посебен македонски детски филм составен од кратки приказни, преку кои децата учат за почит, другарство, култура на однесување и мали навики што прават големи разлики“, напиша Герасимовски на Фејсбук.
За секое дете се обезбедени пуканки и сокче, додава Герасимовски.
С.Д.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.