Македонски Телеком воведува ново портфолио Magenta 1 Unlimited и Magenta 1 Business Unlimited, со кое на корисниците им нуди неограничен интернет, разговори и СМС за поголема слобода во комуникацијата.
Во сите тарифи е вклучен и роаминг интернет, со можност за користење до 15 GB во Extra пакетот во повеќе од 60 земји, за корисниците да останат поврзани и кога патуваат.
Новите пакети овозможуваат и гигабитни оптички брзини преку мрежата на Телеком, како и ексклузивни попусти преку Magenta Moments, со кои корисниците можат да заштедат над 600 денари месечно по линија.
Дополнително, со WiFi booster се овозможува силен и стабилен интернет сигнал во секое ќоше од домот.
Според Телеком, станува збор за нов комуникациски концепт, прв од ваков тип на пазарот.