Победата на Албен Курти изгледа не е навистина толку убедлива како што тоа го покажаа гласовите на изборите во декември во Косово, каде тој со неговата партија освои над 50 отсто од гласовите.
Според државното обвинителство утврдени се манипулации со резултатите од предвремените парламентарни избори во Косово кои се одржаа на 30 декември.
Повторното пребројување потврди дека и покрај манипулациите со глави кои се случиле во неколку општини тоа нема да влијае на конечните партии на политичките партии.
Централната изборна комисија даде насоки за да се пребројат гласовите во сите 38 општини во Косово. Според досегашните пребројани гласови само во општина Призрен, според обвинителството, биле манипулирани 68.000 гласови, а во еден случај, по пребројувањето, околу 6.700 гласови биле одземени од кандидат за пратеник.
Националниот координатор за избори, обвинителката Лаура Пула, за новинската агенција „Асошиејтед прес“ изјави дека досега се приведени десетици комесари и дека се очекуваат дополнителни притворања.
„Во Основното обвинителство во Призрен, 28 лица се моментално приведени и веќе се во притвор. Во Основното обвинителство во Ѓаковица, 15 лица се во притвор, додека другите претходно приведени (109) се во редовна постапка“, рече Пула.
Откако ќе заврши пребројувањето и ќе бидат потврдени резултатите, Косово има помалку од еден месец да ги формира своите институции и да избере нов претседател на почетокот на март. Неуспехот да се постигне компромис за претседателството би можел да доведе до нови избори.
Партијата Ветевендосје, или Самоопределување, на премиерот Албин Курти, беше убедлив победник на предвремените избори со речиси 50% од гласачките ливчиња и далеку пред опозициската Демократска партија на Косово со 21% и Демократската лига на Косово.
Предвремените избори во декември беа закажани откако партијата Самоопределување претходно не успеа да формира влада и покрај тоа што освои најмногу гласови на изборите на 9-ти февруари 2025 година, што доведе до повеќемесечен политички ќорсокак.
Т.Д.