Пред Уставниот суд се собрани повеќе функционери на ДУИ како и нивни приврзаници. Меѓу првите стигнаа поранешниот министер Бујар Османи и Арбр Адеми. Дојде и говор одржа и лидерот на ДУИ Али Ахмети.
Протестот е “зачинет” со музика која ечи од звучниците поставени до шаторот на демонстрантите.
Внатре во Уставниот суд почна седницата на која се расправа за Законот за употреба на јазиците. Отсутни се судиите Насер Ајдари и Осман Кадриу.
Судијата Фатмир Скендер побара да се повлече точката од дневен ред поради нивното отсуство. Но, останатите судии го отфрлија предлогот. Против беа претседателот на Уставниот суд, Дарко Костадиновски, Ана Павлова Данева, Добрила Кацарска, Елизабета Дуковска.
Уставната судијка Кацарска рече дека заклучокот да бидат присутни сите судии на седниците бил донесен кога биле само 5 судии и не се однесува на вакво одлучување кога Судот има полн состав. Предлогот на Скендер е одбиен по што Судот продолжи со работа.