По неколку инциденти во Гелзенкирхен во кои учествуваа и српски навивачи се огласи и Фудбалскиот сојуз на Србија кој ги предупреди своите навивачи дека на стадионот смеат да носат само државни знамиња на Србија и официјални знамиња на Сојузот.
Одлуката е донесена од УЕФА поради ризик некој од српските навивачи да внесе транспаренти со политички пораки како “Косово е Србија” или “Косово е срцето на Србија” или пак да развејат руски знамиња кои се слични со српските.
Веб медиумот данас.рс потсетува дека одлуката е донесена еден ден откако меѓу навивачите на Албанија на дуелот со Италија имаше фанови во униформа на УЧК како и десетици знамиња со голема Албанија.
На знамето со карта на голема Албанија кое албанците го нарекуваат”автохтоно” или етничка карта во територијата на Албанија спаѓаат и делови од сите соседи на Балканот меѓу кои и Македонија.
Денеска веќе имаше два поголеми инциденти меѓу албански и српски навивачи, а се регистрирани и десетици инциденти во кои беше вклучено одземање на навивачки симболи и симнувања на национално симболи од простори каде се промовираат учесниците на Европското првенство во фудбал.