Претседателскиот кандидат на Левица, Билјана Ванковска смета дека не е коректно што во изборна кампања одредени лица биле помилувани. Во вечерашното интервју за Телевизија Телма, таа рече дека претседателот по функција го има тоа право, но во законска процедура. Ванковска исто така порача дека таа би ги помилувала осудените за упадот во Собранието.
Да, ние како евентуални претседатели ќе го имаме тоа право, меѓутоа словото на законот нѐ обврзува да ја почитуваме постапката. Постапката вели преку Министерството за правда. Ако дојде таков предлог до мене јас би ги помилувала осудените за 27 април, затоа што прво одлежаа доволно, платија висока цена, и мислам дека делото за кое се товарат, терористичко загрозување на уставниот поредок, беше претешко и политички би рекла мотивирано, рече Ванковска.