Терористички акт на Србија или одговор на теророт врз Србите на Косово, се уште не е јасно што се случи во инцидентот кај Бањска во кој загинаа тројца Срби и еден припадник на косовската полиција. ЕУ молчи, Кремљ ја оцени ситуацијата како опасна.
Русија не ја признава независност на Косово и го поддржува територијалниот интегритет на Србија па аналитичарите причините за судирот ги гледаат токму во руско-српската хибридна војна на Балканот.
Борел во обид за постигнување дипломатско решение ќе ги повика Курти и Вучиќ на итна средба во Брисел. Во меѓувреме, ЕУ е воздржана и во исчекување на резултатите од истрагата. Портпаролот на ЕУ, Петер Стано, изјави дека е потребно најпрво да се идентификуваат јасно фактите и виновниците.
Од Стејт департмент со порака Белград и Приштина да се воздржат од кревање тензии.