Полициски извори за Телма потврдија за Телма дека убиениот македонски државјанин во Ханиоти е Орхан Бајрами викан Оки којшто е еден од лидерите на групата Дуќанџик во скопското криминално подземје.
Грчките полициски органи досега не ги известиле официлијално, а не се соопштени се уште имињата ниту во грчката јавност.
Вооружениот напад се случил утринава околу 3:30 часот кога двајца убијци со мотор стигнале до жртвите пред апартман во Ханиоти и ги застрелале.
Бајрами бил главната цел и починал на лице место. Уште едно лице е погодено, а во нападнатата група имало уште еден македонски државјанин.
Грчките медиуми објавуваат дека нападот личи на мафијашка заседа за расчистување на нерешени криминални односи и цитираат неофицијални полициски извори.