(ФОТО: ФБ профил на Бошко Тасиќ) Семејството на 13 годишниот Аган Асани кој трагично загина во Черкезе, се сретна со семејството на младиот Давид – момчето кое го посвети голот за нивниот прерано починат син.
На емотивната средба, тие му подарија фудбалската топка со која Аган вежбал дома.
„Ти направи хуман гест и ние одлучивме некако да ти возратиме“, рекоа од семејството на младиот Аган. Аган беше талентиран, млад фудбалер на ФК Куманово, а загина во сообраќајна несреќа кога во него удри возило додека возел на електричен тротинет. .
Неколку дена потоа младиот Давид од редовите на ФК Еуроспорт постигна гол и му го посвети на Аган. Тој носеше маица на која беше испишано „Аган Асани -почивај во мир“. Никој од семејството на Давид не знаел дека тој ќе го посвети голот на својот врсник.
Давид Догмановиќ од Умин дол и Аган од Черкезе живееа на 5 км еден од друг.
Само во една недела, три млади момчиња загинаа во сообраќајни несреќи.
Видеото е на Open-TV.mk