Директорка на основно училиште во Скопје со месеци добивала закани од сопруг на нејзина колешка. Причина за заканите кои траеле од декември лани била инспекцијата од Државниот просветен инспекторат кој утврдил дека сопругата на заканувачот приложила фалсификувана диплома во училиштето. На директорката дента за Нова година ѝ бил запален и автомобилот пред нејзината куќа..
Заканите таа вчера ги пријавила и во полиција, од каде соопштија дека работат на расчистување на случајот.
„34-годишна жена од скопско пријави дека од декември 2025 година до денот на пријавување во својство на директор на основно училиште добивала закани од З.Р.. Според пријавителката, причина за заканите бил фактот што при инспекција на Државниот просветен инспекторат било утврдено дека сопругата на З.Р. вработена во истото училиште, имала приложено фалсификувана диплома. Таа пријавила и дека на 31.12.2025 пред нејзината куќа било запалено нејзиното патничко возило“, соопштија од МВР.
Се преземаат мерки за расчистување на случајот.
