Регионалната Федерација на индустрии на Грција предупреди дека долгите протести на земјоделците и блокадите на автопатите и граничните премини веќе сериозно ја погодуваат производствената индустрија.
Тие во соопштение наведуваат дека протестите создаваат „огромен притисок“ врз индустриските и преработувачките компании низ целата држава, додавајќи дека конкурентноста и одржливоста на бизнисите се директно загрозени.
Според федерацијата, блокадите предизвикале сериозни проблеми во снабдувањето со суровини, транспортот и извозот на стоки, како и значително зголемување на транспортните трошоци, особено за компаниите надвор од Атина.
Ги повика и земјоделците и владата итно да најдат решение за прекин на кризата.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.