Загадувањето, би рекол, е резултат на корумпираноста во земјата, смета Марјан Калевски од „Зелен хуман град“ во денешмната дебата во „Директно“ на ТВ Телма.
„Македонија е на трето место меѓу најкорумпираните земји во Европа, пред нас се само Србија и БиХ. И кога ќе се земе предвид географската местоположба и начинот на кој што се лоцирани градовите, за жал, доаѓаме до ситуција во која загадувањето е огромно. Нема никаква контрола на индустријата“, вели Калевски.
Како причина ги посочи и јавните институции, како болници, градинки, основни и средни училишта од кои, вели, голем број користат фосилни горива за загревање на просториите.
„Тоа е срамно да се дозволи и би рекол со години да се провлекува, а да не се преземаат никакви сериозни чекори за замена на начинот на затоплување на нивните простории. Исто така има и огромне број на мали индустриски погони кои што воопшто не се контролирани. Или работат на диво или не се впишани во регистарот на А и Б интегрирани дозволи што треба да имаат. Дел од проблемот се и домаќинствата, но е апсолутна невистина дека домаќинствата се најголем и единствен проблем за загадувањето во Македонија“, истакна Калевски.
С.Д.