Србија и натаму се соочува со екстремни зимски услови, со снег, мраз и ледена дождовна покривка што предизвикаа проблеми низ целата земја.
Во одделни региони има прекини во снабдувањето со електрична енергија, а најмногу снег е регистриран во Белград и Срем.
Републичкиот хидрометеоролошки завод издаде жолт и портокалов метеоаларм поради опасни временски појави. Температурите во утринските часови се спуштаат и до -15 степени, а постои ризик од мрзнење на врнежите, особено во северните и западните делови од земјата.
Според најавите, од утре се очекува постепено затоплување, со дневни температури над нулата, но снежната покривка може да се задржи и до 20 јануари.
Метеоролозите ги предупредуваат граѓаните на зголемена претпазливост, особено во сообраќајот и при движење на отворено.