Од првата прикажана претстава „ Платон Кречет“ до последната „ Варвари“, во осумдесетгодишното постоење на Македонскиот народен театар се поставени над 420 драмски претстави, одиграни од над 630 актери, а режирале над 107 режисери. Ова го кажа Ивана Јарчевска- уредничка на монографијата „ Македонски народен театар 1945- 2025, Приказни поголеми од времето“, која што денеска беше промовирана на малата сцена во театарот. А, според актерот Ѓорѓи Јолевски, со своите 80 години МНТ не е споменик на минатото зашто годишнината обврзува со одговорност за времето што доаѓа.
- Оваа монографија пред нас е издание кое опфаќа документаристички материјали, историја и она најважното, лични приказни од целиот овој период. Спакувано во модернистички и елегантен дизајн, потпишан од Зоран Кардула. Со самото тоа, таа е документарна и интимна, спој на минатата и сегашноста, традицијата и модерноста, нуди информации и сознанија, открива нови приказни, рече Ивана Јарчевска, уредничка на монографијата и авторка на предговорот во книгата.
- МНТ со своите 80 години постоење не е споменик на минатото, туку отворен простор за нови погледи, нови прашања и нови вистини. И можеби во тоа е смислата на оваа годишнина, не во славењето на времето што поминало, туку во одговорноста пред времето што доаѓа, кажа Ѓорѓи Јолевски, актер-првенец на МНТ.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.