По изјавата на премиерот Христијан Мицкоски дека го „вратил“ името Македонија на државата, грчкото Министерство за надворешни работи потсети дека уставното име на земјата е Северна Македонија и дека Преспанскиот договор е дел од Уставот.
Во реакцијата се нагласува дека договорот е апсолутно обврзувачки и за двете страни, како на меѓународно, така и на домашно ниво.
„Во меѓународните договори нема де факто ситуации, нивната примена е униформна и универзална. Напредокот во билатералните односи со Северна Македонија и непреченото продолжување на европскиот пат бараат строго придржување до договорите“, наведува грчкото МНР.
Од МНР дополнуваат дека секој обид за фалсификување или менување на содржината на Преспанскиот договор нема да биде прифатен и дека неговото почитување е основа за мирен соживот на народите и државите.
