Пожар во сервис за возила во Пинтија

Директорот на Дирекцијата за заштита и спасување – Стојанче Ангелов информираше дека „рано утрово пред 4.00 часот избил тежок пожар во сервис за возила пред Пинтија (над Стаклара во местото наречено Каменик) во кој имало повеќе автомобили, масло и други запаливи предмети“.

Како што кажа Ангелов, „БППЗ Скопје веднаш излегла на лице место и со 8 возила после тешка борба со огнот, пожарот е изгаснат пред 6.00 часот“.