Синоќа пред 23 часот повторно избувна пожар во депонијата Дрисла, но овојпат на друго место, подалеку од претходно активните области.
На терен веднаш интервенирале скопските пожарникари, а поради специфичноста на пожарот и материјалот кој гори таму се интервенирало со затрупување на опожарената површина со помош на градежни машини.
Во гаснењето на пожарот се вклучиле и дел од вработените. По еден час пожарот бил целосно изгаснат и затрупан, со што е спречено негово понатамошно ширење.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.