Истрагата за пожарот во Трубарево ќе оди најдлабоко што може, уверува министерот за внатрешни работи, Тошковски.
Во меѓувреме, сѐ уште се чекаат првичните сознанија за причините за настанување на пожарот. А, покрај за конкретниот случај, првиот човек на полицијата ги повика сите институции – пред сѐ Министерството за животна средина и просторно планирање, да ги „прочешлаат“ сите одлагалишта за отпад, за да се види какви дозволи имаат и дали работат според закон.
Тошковски е дециден – ќе има пријави за секој докажан случај на еколошки криминал.
МВР има индиции дека центри на моќ делуваат во насока на создавање криза со пожарите, не може да се споделуваат детали во оваа фаза, рече Тошковски.
- „За пожар од големи размери како тој во Трубарево, вели дека се потребни од 24 до 48 часа да поминат за да се создадат услови за увид на терен, а во насока на откривање на причините за настанување на пожарот“.
Тошковски најави дека се преземат превентивни мерки околу депониите, а покрај МВР, активности ќе преземе и АНБ.