Корисници од Македонија, Бугарија, Грција, Турција и други земји од Источна Европа, како и од САД, денеска пријавија масовен прекин на услугите на Гугл.
Проблемите се однесуваа на Јутјуб, Гугл мапи, пребарувачот на Гугл, Гмаил и Гугл Драјв, при што најчесто се појавуваше порака „5xx серверска грешка“, што укажува на проблеми на страната на Гугл.
Корисниците не можеа да вчитуваат видеа, да пребаруваат локации, да пристапат до е-пошта и документи, што предизвика сериозни нарушувања во работата и секојдневието. Проблемите први беа пријавени преку downdetector.com и социјалните мрежи.
Од Гугл сè уште нема официјална изјава за причината за прекинот, но дел од услугите веќе се стабилизираат.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.