Земјотрес со јачина од 5,2 степени беше регистриран утрово неколку минути пред девет часот во морскиот дел меѓу грчките острови Санторини и Аморгос, следен од помал потрес од 4,2 степени.
Ова е само дел од серијата земјотреси кои започнаа на 26 јануари, од кога се регистрирани повеќе од 19.200 земјотреси, од кои над 16.900 биле посилни од 1 степен.
Заради оваа сеизмичка активност, училиштата на овие острови ќе останат затворени и оваа седмица. Препораките до граѓаните вклучуваат избегнување на големи собири, избегнување на пристаништа и приспособување на безбедни рути за движење.
Премиерот Кирјакос Мицотакис ги предупреди граѓаните за нестабилната динамика на земјотресите. На островите Аморгос и Санторини на сила е вонредна состојба.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.