На плоштадот во Скопје поставена е новогодишна елка. Треба да симболизира радост пред новогодишните празници, но скопјани не се многу задоволни од тоа како изгледа градот.
За тоа колку пари се потрошени за новогодишно украсување на градот, дали Град Скопје го заврши украсувањето, ќе има ли прослава на плоштадот за дочекот на Новата година и колку би чинела? Низа прашања за кои побаравме одговор во Град Скопје, но не добивме одговор.
На неколку километри од плоштадот, во населбата Аеродром, кај спортскиот ценар Јане Сандански поставен е новогодишен базар. Наречен е Зимзоленд.
Освен лизгалиштето,тука е и куќата на Дедо Мраз, луна паркот. Луѓето кои ги затекнавме овде се задоволни од понудата. Ги има и од Скопје но и од другите градови.
Зимзоленд ќе биде отворен до 19-ти јануари. Организирање новогодишен базар на плоштадот Јадран најави и општина Центар. Дали градските власти ќе организираат дочек и музичка програма на главниот плоштад сеуште не е познато.
Мартин Трајчевски