Хрватскиот Уставен суд одлучи – претседателот Зоран Милановиќ не може да биде на списокот за парламентарните избори. Според Уставот, претседателот не може да врши други јавни или професионални должности и не смее да учествува во политичките активности на ниту една политичка партија.
Се исклучува и можноста во контекст на распишаните парламентарни избори, да биде кандидат на листата за избор на претставници или предложен за кандидат за функцијата претседател на Владата на Република Хрватска.
Минатата недела, хрватскиот претседател Милановиќ објави дека во име на опозицијата ќе се кандидира за премиер на државата и ќе настапи спроти владеачката ХДЗ и актуелниот премиер Андреј Пленковиќ.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.