Ѓорческа против Зајцева во четвртфиналето во Ларнака

Најдобрата македонска тенисерка Лина Ѓорческа се пласираше во четвртфиналето на турнирот во Аламинос-Ларнака, Кипар.

Ѓорческа денеска во рамки на второто коло ја совлада Матилде Паолети од Италија во три сета со 6-3, 3-6 и 7-5 по 2,5 часа игра. Следна ривалка на Македонката е Русинката Ксенија Зајцева, која денеска ја совлада првата носителка на турнирот во Кипар, Нома Ноха Акугуе од Германија во три сета. 19-годишната Зајцева е во одлична форма и е во низа од седум победи по ред, а минатиот викенд славеше на турнирот во Ираклион во Грција.