РЕК Битола ќе продолжи да произведува електрична енергија по цена од 110 евра за мегават час, иако во моментов цената на струјата на берзата е за 20 до 40 евра поевтина, во зависност од периодот во денот или речиси 100.000 евра поскапо во период од 24 часа. Според вицепремиерот за економски прашања Фатмир Битиќи, иако нема економска исплатливост, државата мора да осигура минимум производство од домашни капацитети, бидејќи берзата не е предвидлива за да може ЕСМ да се потпре исклучиво на набавка на струја во моментов.
Битиќи е дециден дека моменталната состојба е последица на повеќедецениска негрижа за системот, во случајот РЕК Битола чиј рок на употреба одамна е изминат и затоа мора да се забрза транзицијата во енергетскиот сектор во делот на обновливи извори со што ќе се намали производствената цена.
ЕСМ набавува струја од почетокот на месецов, а нови договори со трговци се склучени се до 17 март. Цените по кои се купува се движат од 60 до 76 евра за мегават час, а цената на РЕК Битола е околу 110 евра, на ЕСМ нешто пониска.
Новите количини струја ЕСМ ќе го чинат 2,26 милиони евра што е стотина илјади евра помалку дневно, отколку да работи РЕК Битола за кого ЕСМ со повикот кој го објави во февруари набавува двојно поголема количина на јаглен од предвидените во ланскиот повик. ЕСМ најави дека од следната недела ќе го вклучи на системот и првиот блок во РЕК Битола.
Огнен Чанчаревиќ