Сегашниот снабдувач ЕВН ХОУМ, ЕСМ Продажба се јавиле на повикот за избор на нов Универзален снабдувач. А според информациите тоа го направил и познатиот трговец со струја ЕДС, кој е фирма ќерка на државната грчка компанија за производство на енергија ППЦ.
Денеска до 15 часот беше рокот до кој тие требаше да ги достават потребните документи. Доцна попладне во Владата, ќе бидат отворени понудите и ќе се види кои се ги исполнува условите, а за неколку дена ќе се знае кој ќе биде новиот снабдувач. Дали ќе остане ЕВН ХОУМ или пак ќе биде некој друг? Од Владата велат тој што ќе понуди најниска профитна маржа, која сега изнесува 11, 5 отсто тој ќе биде новиот Универзален.
Денеска ќе има отворање на понудите, ќе се направи проверка дали ги исполнуваат условите тие што се јавиле и потоа ќе се закаже негативно надавање, аукција. Мислам дека во наредните 10 дена ќе се знае се. Една од идеите е пониската маржа која влегува во конечната цена за крајните корисници да ја намали цената, вели вицепремиерот Битиќи
Меѓу условите кои се јасно дефинирани стои и дека фирмите треба да имаат и 40 милион евра работен капитал. Ова е далеку повеќе од она што се бараше на претходниот повик.
Трговецот со струја ЕДС поради тоа што има финансиски проблеми поради енергетската криза, побараа да бидат поддржани од мајката фирма во Атина, која пак требаше да го гради Чебрен, но тендерот пропадна. Со оглед на финансииte на ЕДС, денеска ќе се види и дали тие ги исполнуваат условите. А по неуспешниот обид да го гради Чебрен, ќе се знае и дали грчки ППЦ ќе има повеќе среќа во овој дел.
Јавниот повик за избор на нов Универзален, Владата го објави на 11 декември. Оној кој ќе биде избран улогата ќе ја преземе од јуни, а граѓаните и малите потрошувачи со струја ќе ги снабдува во следните пет години.
Ирена Чачкова