Израелската војска објави видео од, како што вели, внатрешноста на детската болница Рантиси во која нејзините сили влегле во текот на викендот.
На видеото прикажано е оружје за кое се тврди дека е пронајдено внатре во просториите на болницата, како и соби во подрумот каде што се верува дека милитантите држеле некои од 240-те заложници што ги киднапирале за време на нападот од 7ми октомври. Болницата остана без гориво минатата недела, а Израел им нареди на луѓето да си заминат додека спроведува копнена операција против милитантите на Хамас. Градот Газа, најголемата урбана област на територијата, е во фокусот на кампањата на Израел во насока да го уништи Хамас. Светот мора да разбере против кого се бори Израел порача портпаролот на израелските одбранбени сили Даниел Хагари.