На третиот ден од Светскиот шампионат во атлетика што се одржува во Будимпешта поставени се два нови рекорди на првенствата.
Американката Ша’Кари Ричардсон е нова шампионка на 100 метри. Таа во финалето стигна на целта со време од 10 секунди и и 65 стотинки што нов рекорд на шампионатите, а воедно за неа ова е прво злато на некое големо натпреварување.
Во фрлање диск победникот се решаваше во последната серија. Прво Словенецот, Кристијан Чех изби на првата позиција, а по фрлањето на Даниел Штал од Шведска, кој забележа должина од 69 метри и 37 сантиметри се врати на лидерската позиција и со нов рекорд на првенствата стигна до второто злато на Мундијалите.
На 110 метри со пречки триумфираше Грент Холовеј од САД и по трет пат во низа ја освои титулата светски првак.
И во машкиот трискок првото место го освои Хјуз Фабри Занго од Буркина Фасо со постигнување од 17 метри и 64 сантиметри.
ФОТО: Игор Паневски
