Поради лошите временски услови организаторите на Светското првенство во атлетика што се одржува во Будимпешта донесоа одлука да се помести стартот на првата финална дисциплина на шампионатот.
Претпладнево за 8 часот и 50 минути беше закажан стартот на трката во одење на 20 километри што ќе се одржи во центарот на градот, но поради обилните врнежи проследени со ветер и грмотевици беа причина почетокот да се одложи за два часа.
Најсериозен кандидат за освојување на златниот медал е Кинезот, Јун Жанг кој има најдобро постигнување во светот за оваа година. Зад него според резултатот е Каио Бонфим од Бразил, а потоа следува Коки Икеда од Јапонија.
Двојниот освојувач на златото од шампионатите во Доха и Јуџин, Тошиказу Јаманиши оваа година има десетти најдобар резултат, но сигурно дека ќе се обиде да стигне до третото најсјајно одличје и да го повтори подвигот на Џеферсон Перез од Еквадор кој има три златни трофеи од шампионатите во Париз, Хелсинки и Осака.
ФОТО: Игор Паневски