Интернационалниот олимписки комитет на 26 јули, точно една година пред Летните игри во Париз ќе испрати покани за настап до 203 земји, но меѓу нив нема да бидат Русија и Белорусија.
Сепак во соопштението се потенцира дека вратата за спортистите од двете земји нема да биде целосно затворена и дека нивниот настап во Париз следната година можеби и ќе добијат покани, но шансите за такво нешто се сведени на минимум па дури и не постојат.
ИОК во март најави дека ја разгледува опцијата спортистите од Русија и Белорусија да добијат можност за настап и тоа како неутрални натпреварувачи без национални обележја.
Ваквиот предлог предизвика бурни реакции меѓу членките на ИОК, а дел од нив се заканија и со бојкот на најголемото спортско натпреварување.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.