Дарио Ивановски е победник на полумаратонската трка на атлетската манифестација “Охрид трчаТ”.
Македонскиот репрезентативец делницата од 21 колометар ја мина за 1 час 11 минути и 17 секунди. Втор на целта со заостанување од 4 минути и 37 секунди пристигна Тирон Мамуша од Албанија додека третото место му припадна на Муџахид Мислими од Македонија.
Во женска конкуренција триумф на Бугарката, Билсерин Сулејман која забележа време од 1 час 25 минути и една секунда. Второто место го освои Билјана Кираџиева која зад победничка заостана скоро седум минути, а на третата позиција настапот во Охрид го заврши уште една наша претставничка, Марина Домазетовска.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.